МОЌТА НА ЗБОРОВИТЕ

Користете зборови кои продаваат. Не заборавајте дека зборовите имаат моќ, но бараат многу внимание при изборт. Вистински избраните зборови или buzz words, како што се нарекуваат, се зборови кои ги будат чувствата кај луѓето. Тоа се зборови кои предизвикуваат интерес, возбуда и го забрзуваат процесот на акција кај потрошувачите

КРЕАТИВНОСТ БЕЗ ГРАНИЦИ

Да се биде различен одамна е еден од главните предуслови за успех во сите сегменти на пазарот. Тоа не е цел само на големите брендови, туку и секојдневна стратегија меѓу познатите музички имиња. Да се има одлична песна и видео спот веќе не е доволно за да се биде in, па ако сакате песната цел ден да ви се врти по домовите, канцелариите, автомобилите, и да имате неколку илјади постирања на Facebook  ви треба покреативна и покреативна стратегија.

ЗАБОРАВЕТЕ ГО СЕКСОТ НА ПРВАТА СРЕДБА

Според истражувањата на Американското здружение за директен маркетинг USDMA, e-mail маркетингот е најсилната алатка на директниот маркетинг, бидејќи на секој потрошен долар враќа 43 долари. „Заборавете го сексот на првата средба, односно очекувањата дека ќе го убедите клиентот да го купи вашиот производ или услуга со првиот e-mail. Бизнисот се темели на интерес, а не на емоции. За да се постигне меѓусебната доверба прво е потребно „вљубување“, значи, потребно е време“,изјави неодамна маркетиншкиот гуру  Michael Leander на една конференција за e-mail маркетинг одржана во Загреб. (повеќе)

ПРЕМАЧКАНИ СО
СИТЕ БОИ

„Ми се допаѓа овој автомобил, миличок. Кој мила? Овој...овој црвениов„! Можеби овој разговор ќе ви изгелда како дел од брачните води, но во светот постојат илјадници научни студии и една цела гранка во маркетингот кои ги проучуваат значењето и влијанието на боите врз однесувањето на луѓето во животните ситуации, како и врз однесувањето на луѓето како потрошувачи. Боите се битен елемент во маркетиншкото комуницирање меѓу производот и купувачот. Постојат корелации меѓу одделни бои, групи потрошувачи и производот
и услугата.(повеќе)

Бомба од Durex
ТУНЕЛ ВО КОЈ ТРЕБА ДА ВЛЕЗЕТЕ СИГУРНО

Велат дека сексот продава се. Во случајот на Durex тоа може да се сфати буквално. И додека голем број душогрижници се крстат и со левата и со десната рака пред да влезат во овој тунел, изгледа дека Французите немаат проблем со овој вид душогрижници... Или сево ова е само успешна фотомонтажа од Durex која го обиколи светот?...(повеќе)

Герила маркетинг
FREE – ЗБОР КОЈ ГИ ОТВОРА ПАРИЧНИЦИТЕ

"Free" или „бесплатно“, според тврдењето на експертите за маркетинг, е најсилниот збор во англискиот јазик. За обичниот потрошувач тој претставува мала победа над системот, срочена во изјава од типот: „добро поминав“. Компаниите зборот "Free" го употребуваат како алатка со која се обидуваат да се пробијат низ пазарната конкуренција во борбата за купувачите.

НАУЧЕТЕ ДА КАЖЕТЕ НЕ

Ако не знаете која е важата тајна на успехот, бидете сигурни дека тајната на неуспехот е ако се обидете да ги задоволите сите

Конципирањето на маркетинг статегијата значи точно да ги фокусирате работите. Треба да направите толку многу работи со малку ресурси. Затоа е потребно да се фокусирате на одреден таргет на пазарот, на вашите најважни производи и услуги и на најпродуктивните маркетинг активности.  Исто како што уметниците мора да ги одредат своите приоритети за да ја подобрат својата визија, така и вие мора да ги зацртате целите што треба да ги постигнете. Правењето стратегија што не е фокусирана на одредена работа не дава резултати. Кога луѓето имаат повеќе приоритети со кои треба да се справат обично се губат во нив. Доколу, на пример, пред себе поставите 20 стратешки цели, нема да ги постигнете сите. Маркегинг стратегијата се фокусира врз: селектирани таргети на пазарот, врз потребите на одреден производ или услуга, како и врз јаките страни на компанијата - како што се: предностите и маните што произлегуваат од можностите. Во една прилика американскиот комичар Bill Cosby изјавил: “Не ја знам тајната на успехот, но тајната на неуспехот е да се обидете да ги задоволите сите”. Управувањето со маркетинг стратегијата значи дека треба да знаете кога да кажете не.

ИНФОРМАЦИИ ЗА ПОТРОШУВАЧИТЕ

Најнапред треба да ја испитате базата на вашите потрошувачи. Сегашните потрошувачи најверојатно  ви се најважни на пазарот. Обидете се да дознаете што повеќе за нив: кои се тие, како ве најдоа, што сакаат од вас, а што не... Вашите сегашни потрошувачи можат да ја создадат базата на идните. Доколку не се работи за новоформирана компанија без потрошувачи, истражувањата на пазарот треба да започнат со добивање што повеќе информации за сегашните потрошувачи. Започнете така што ќе ги класифицирате потрошувачите во корисни групи или сегенти.  Пазарната сегментација може да ви даде подобри резултати. Со тоа што ќе ги класифицирате потрошувачите ќе си помогнете себе си за подобро да ги разберете нивните потреби. Повеќе секогаш не значи и подобро кога се работи за информациите за потрошувачите. Доколку вашите купувачи користат три продукти годишно, на пример, клучните

податоци ќе ги добиете на тој начин што ќе ги соберете демографските информации и така што ќе добиете feedback од потрошувачите. На пример, доколу вашата компанија се занимава со производство на продукти за хортикултурно уредување, најдобри потрошувачи ќе ви бидат штотуку венчаните двојки, а најдобар промет ќе имате во текот на викендите. Доколу погледнете во поплаките и проблемите што доаѓаат од потрошувачите, ќе сфатите дека и тие  се многу вреден извор на информации. Студиите покажуват дека два до четири проценти од незадоволните потрошувачи ја даваат вистинската слика за производот или услугата што ја нудите, додека 96 до 98 проценти не знаат што точно им недостасува на купените стоки. Дали може да ги идентификувате другите несреќни потрошувачи? Доколку контактирате со нив ќе откриете со какви проблеми се соочуваат, ќе дојдете до заеднички решенија и ќе можете да ги зачувате врските. Запаметете, ако не им обрнете внимание, веќе освоените можат да ви ја уништат врската со потенцијалните потрошувачи.

Ако ги земете предвид информациите што ќе ги обезбедите од потрошувачите, вкучувајќи ги и генералните карактеристики, со чија помош ќе ги сегментирате, купувачите може да ги поделите во неколку групи:
- Според воздраста, приходот или полот.
- Според професијата и нивото на образование.
- Според типот на компанијата или индустријата во која работат.
- Според тоа колку приход имаат на располагање.
Овие информации можат да ви бидат екстремно корисни. Се разбира можеби ќе треба да направите еден прашалник со кој  ќе ги охрабрите муштериите да ви даваат точни одговори во врска со овие прашања. По систематското собирање на информациите од таргетираната цел, можете да направите квантитативен извештај.  Маркетинг стручњаците  предлагаат  следниве точки задолжително да бидат внесени во него:
- Направете внатрешен договор како дел од извештајот. Пополнете ги сите критични точки со прашања од типот: што мислите што треба да направиме за да бидете позадоволни, а консенсусот меѓу вработените треба да биде постигнат пред да биде добиена крајната слика за извештајот.
- Извештајот треба да биде краток. Тие што ќе го пополнуваат не треба да потрошат повеќе од 10 до 15 минути, бидејќи тоа е доволно време за да се дадат одговори,  од кои ќе ги добиете потребните информации со ефикасност од 65 до 70 отсто.
- Испратете ги резултатите од извештајот до повеќе оддели во компанијата, со што ќе обезбедите да ги добијат информациите кои им недостигаат.
- Сите одговори треба да бидат строго доверливи. Правилата за истражување на пазарот треба да ја гарантираат доверливоста на информациите.
- Употребете соодветна скала за да ги генерирате податоците и да ги подобрите вашите производи и услуги.

ПОЗИЦИОНИРАЊЕ  НА ПРОИЗВОДОТ

Сметајте на тоа дека треба да се фокусирате на голема група луѓе доколку сакате да дознате што мислат потрошувачите за производите или услугите од вашата компанија. Повеќето луѓе знаат дека со групите кои се предмет на испитување работат професионалци и дека е многу важно да одговорат на клучните прашања во врска со тоа кои се нивните очекувања и колку се задоволни од досегашните стоки или услуги на една компанија.  На фокусираната група и  треба повеќе време во интерактивни разговори да обезбеди чист feedback. Многумина испитаници од фокусираната група ги гледаат новите производи, или се идентификуваат со новите солуции. На пример, Intuit, кога сака да дознае што мислат потрошувачите за него се, фокусира врз група составена од луѓе што го употребуваат нивниот софтвер, но, исто така, ги зема предвид и потенцијалните потрошувачи. Тие ги прашуваат потрошувачите за проблемите што ги имаат при користењето на софтверот, зошто го избрале Intuit за своја база или за недостатоците на софтверот... Притоа во своите студии поставуваат и прашања за банките преку кои ги продаваат своите производи. Исто така, ги делат потрошувачите во три одделни групи, а потоа одделно ги набљудуваат. Ваквиот начин на работа на компанијата и овозможува:
- да добие одговор на прашањето за желбите на потрошувачите
- да го вметне “гласот на потрошувачот” директно во производот
- да поентира при детерминирањето на очекувањата на идните потрошувачи
- да развие подобра база на информации во своите системи.
Позиционирањето на производот е уште еден добар начин да се подобри стратегискиот фокус. Позиционирањето помага производот да го добие соодветното место на пазарот. Ваквиот начи на работа е цврсто врзан за сегментирањето на пазарниот фокус. Позиционирањето  во себе вклучува уникатна, конзистентна политика на компанијата и запознавање на потрошувачите со имиџот на фирмата. Производот или услугата може да бидат позициониран врз база на бенефиции, класа, цена или ниво на квалитет.  При таргетирањето на производот  потребно е да се сегметираат специфичните цели. Еден ист производ може да биде протолкуван на различни начини, а се позиционира според изјавите и одговорите на следниве прашања:
- Од кога е дизајниран производот?
- Каков продукт е тој?
- Која е единствената или најважната бенефиција на понудата?
- Кој е најважниот конкурент?
- По што се разликува  од производот на конкуренцијата?
- Која е најзначајната бенефиција што потрошувачот ќе ја добие од оваа разлика?
Некои позиционирани стратегии ќе бидат подобри од други. Најдоброто позиционирање на една компанија е  доколку производите што ги нуди за пазар се подобри од конкурентските. Позиционирајте го производот што може да допре до потрошувачите, чиј профил е најблизок до квалитетот на продуктот што го нудите и неговата цена.

ОДРЕДУВАЊЕ НА ЦЕНАТА

Пред да започнете да зборувате за стратегијата за одредување на цената на стоките и услугите или за позиционирањето, размислите за вашата реална ситуација. Сите бизниси не можат да си го дозволат луксузот да ги одредуваат цените. Постојат бизниси што можат да ги одредат цените полесно од другите. Бизнисите што се регулирани од владините агенции или осигурителните компании немаат проблеми со одредувањето на цените. Некои приватни стоматолози или доктори одредуваат сопствени цени, додека некои се базираат врз осигурителните програми. Некои јавни установи треба да добијат одобрување од државата за промена на цените. Бизнисите со кои се продаваат стандардни производи можат да добијат ограничување на цените. Кината, на пример, се обидуваат да имаат конкурентски цени, а видеотеките треба да го држат чекорот со нив. Постои директна врска со бизнисите што продаваат услуги и нивната конкуренција. Бензинските пумпи и видотеките имаат проблеми со одредување на цената. Но, кога ќе се најдат во рурална средина каде што можеби играат и одлучувачка улога, тие имаат повеќе опции. Некогаш локалните снабдувачи можат да наплаќаат повеќе од нивната конкуренција. Во голем број бизниси постојат услови за поставување сопствени цени во однос на конкурентските.
Најголемата опасност при воспоставувањето на планот е тој воопшто да не се имплементира. Тоа претставува губење време. Морате да се осигурате дека планот соодветно ќе го дистрибуирате, а тој ќе биде прифатен од таргетираната група. Дали сте подготвени да го пласирате вашиот план. Претходно осигурајте се дека добро ќе помине во финалната критична фаза.  Потоа осигурајте се дека она што сте го објавиле е многу добро разбрано. Не заборавајте го процесот на објавување внатре во вашата компанија. Ова значи дека при дистрибуцијата планот треба да го видат сите менаџери. Луѓето, кои се посветени на еден дел од планот потребно е да го видат  уште еднаш пред тој да биде објавен, да ги разгледаат разликите и да ги испланираат резултатите.                           

Л.В.

ХОЛАНДСКИ ПРОГРАМИ ЗА ПОДРШКА НА МАЛИТЕ И СРЕДНИ БИЗНИСИ

Кралството Холандија веќе подолг период има посебни програми за поддршка на малите и средни бизниси за кои можат да аплицираат и македонските претпријатија. Станува збор за четири програми, а Aмбасадата на Кралството Холандија во Македонија посочува дека им стои на располагање на заинтересираните компании околу презентирањето на овие програми и обезбедувањето дополнителни информации за начинот и условите за аплицирање.

Отворен сервисно-продажен центар на IVECO
ИТАЛИЈАНСКИТЕ КАМИОНИ КАКО ДОМА И ВО МАКЕДОНИЈА

Новиот сервисно-продажен центар на IVECO што деновиве го отвори во Скопје компанијата КАРГОМАКС, кој воедно е и најголемиот ваков центар за камиони во Македонија, е со површина од 2.100 м2 покриен простор, изграден е според најновата технологија, со најсовремени материјали со европски квалитет и во целосна согласност со стандардите на IVECO.

И по 20 години
СЛОВЕНИЈА ДОМИНИРА НА ЈУГОСЛОВЕНСКИОТ ПАЗАР

Словенија и после 20 године по распаѓањето на СФРЈ ја задржа доминантната позиција на поранешниот југословенски пазар, на кој денес остварува суфицит од 1,3 милијарди евра. Тоа и е повеќе од доволно да го покрие дефицитот од 1,1 милијарда евра, што го има во размената со земјите од Европската унија

НОВАК ЃОКОВИЌ И ДОНЕСЕ НА СРБИЈА ДВЕ
МИЛИЈАРДИ ЕВРА

Српската Електропривреда постигна спогодба со кинеските компании China Environmental Energy и Shenzhen Energy Group за вложување на повеќе од две милијарди евра. Најголема заслуга за доаѓањето на Кинезите има тенисерот Новак Ѓоковиќ, кому кинескиот мултимилијардер, сопственик и на брендот Sergio Tacchini, му е еден од најголемите спонзори

ЗЛАТОТО НОВ БАЛОН ОД САПУНИЦА?

Експертите предупредуваат дека пазарот на злато е во рацете на шпекуланти и дека евентуално наглото паѓање на цената би можело да направи сегашниот инвестициски бум да се претвори во најголемиот балон од сапуница, чие пукање ќе им донесе на инвеститорите огромни загуби

FAO прогнозира
ПОВЕЌЕ ЖИТО – ЦЕНИТЕ ВИСОКИ

Светското производство на жито, заради зголемената сеидба и подобрите приноси, се очекува годинава да достигне рекордно
ниво, но цените ќе останат високи поради малите залихи, објави неодамна Агенцијата за храна на Обединетите нации. Во првата годинашна прогноза FAO, исто така, предвидува дека годинава во светот ќе се произведат 2,315 милијарди тони житарици, што е за 3,5 проценти повеќе од лани, кога производството се намали за еден отсто

Најголемите банки во светот
КАПИТАЛОТ СЕ СЕЛИ НА ИСТОК

Светскиот банкарски систем својата моќ се повеќе ја пренесува од запад кон исток. Ова го потврди и годинашново издание на Блумберговата ранг-листа на најголемите банки во светот. Годинава финансиска ѕвезда е Сингапур, со три банки маѓу TOP 10. Голем скок забележа и Канада, има две банки меѓу првите десет. Очекувано, американските банки доживеаа вистински деловен дебакал и само една од нив влезе во престижниот клуб на десетте најголоеми. (повеќе)

ПОЛОВИНА ЕВРОПА ВО online ШОПИНГ

ВИНОТО ГО ОТВОРА
СРЦЕТО, НО И ЏЕБОТ

Една од работите за која луѓето со длабоки џебови се подготвени да потрошат вистинско богатство е виното. Кога музичкиот генијалец Моцарт, како голем љубител на музиката, жените и виното, го прашале што би избрал кога би морало да бира меѓу жена и вино, тој малку се замислил, па одговорил – зависи од годините! Но, знаете ли дека најскапото шише вино чини речиси 300.000 долари? (повеќе)

Исповед на американскиот долар
ТРАГИ ОД КОКАИН, ФАЛСИФИКАТИ, КРАЖБИ

Американските долари, кои и покрај сите турбуленции со кои се соочуваат последниве години, се уште ги сметаат за валута на светот, или Бенџамините, како што во жаргон ги викаат Американците, имаат и своја не толку весела приказна. Еве неколку неверојатни факти за американските „зеленбачи“...

КОЈ Е ГАЗДА НА АМЕРИКАНСКИОТ ДОЛГ ?

Без разлика што буџетот на САД за 2011 година треба да претставува пат кон одржливост на системот и платниот биланс, во државата со најголема економија во светот и понатаму ќе се генерира дефицит, а националниот долг ќе расте од година во година. Во моментов 14 трилијони долари долг се во рацете на приватните банки на САД, а дури 4,4 трилиони долари од надворешниот долг се во сопственост на странските влади кои купиле трезорски хартии од вредност од САД. (повеќе)