МОЌТА НА ЗБОРОВИТЕ

Користете зборови кои продаваат. Не заборавајте дека зборовите имаат моќ, но бараат многу внимание при изборт. Вистински избраните зборови или buzz words, како што се нарекуваат, се зборови кои ги будат чувствата кај луѓето. Тоа се зборови кои предизвикуваат интерес, возбуда и го забрзуваат процесот на акција кај потрошувачите

КРЕАТИВНОСТ БЕЗ ГРАНИЦИ

Да се биде различен одамна е еден од главните предуслови за успех во сите сегменти на пазарот. Тоа не е цел само на големите брендови, туку и секојдневна стратегија меѓу познатите музички имиња. Да се има одлична песна и видео спот веќе не е доволно за да се биде in, па ако сакате песната цел ден да ви се врти по домовите, канцелариите, автомобилите, и да имате неколку илјади постирања на Facebook  ви треба покреативна и покреативна стратегија.

ЗАБОРАВЕТЕ ГО СЕКСОТ НА ПРВАТА СРЕДБА

Според истражувањата на Американското здружение за директен маркетинг USDMA, e-mail маркетингот е најсилната алатка на директниот маркетинг, бидејќи на секој потрошен долар враќа 43 долари. „Заборавете го сексот на првата средба, односно очекувањата дека ќе го убедите клиентот да го купи вашиот производ или услуга со првиот e-mail. Бизнисот се темели на интерес, а не на емоции. За да се постигне меѓусебната доверба прво е потребно „вљубување“, значи, потребно е време“,изјави неодамна маркетиншкиот гуру  Michael Leander на една конференција за e-mail маркетинг одржана во Загреб. (повеќе)

ПРЕМАЧКАНИ СО
СИТЕ БОИ

„Ми се допаѓа овој автомобил, миличок. Кој мила? Овој...овој црвениов„! Можеби овој разговор ќе ви изгелда како дел од брачните води, но во светот постојат илјадници научни студии и една цела гранка во маркетингот кои ги проучуваат значењето и влијанието на боите врз однесувањето на луѓето во животните ситуации, како и врз однесувањето на луѓето како потрошувачи. Боите се битен елемент во маркетиншкото комуницирање меѓу производот и купувачот. Постојат корелации меѓу одделни бои, групи потрошувачи и производот
и услугата.(повеќе)

Бомба од Durex
ТУНЕЛ ВО КОЈ ТРЕБА ДА ВЛЕЗЕТЕ СИГУРНО

Велат дека сексот продава се. Во случајот на Durex тоа може да се сфати буквално. И додека голем број душогрижници се крстат и со левата и со десната рака пред да влезат во овој тунел, изгледа дека Французите немаат проблем со овој вид душогрижници... Или сево ова е само успешна фотомонтажа од Durex која го обиколи светот?...(повеќе)

Герила маркетинг
FREE – ЗБОР КОЈ ГИ ОТВОРА ПАРИЧНИЦИТЕ

"Free" или „бесплатно“, според тврдењето на експертите за маркетинг, е најсилниот збор во англискиот јазик. За обичниот потрошувач тој претставува мала победа над системот, срочена во изјава од типот: „добро поминав“. Компаниите зборот "Free" го употребуваат како алатка со која се обидуваат да се пробијат низ пазарната конкуренција во борбата за купувачите.

13 ФАТАЛНИ ГРЕШКИ

Конципирајки ги своите стратегии за освојување на пазарот фирмите често прават грешки за кои плаќаат високи цени. Следниве 13 фатални грешки што се прават во маркетингот, сепак, не го покриваат сето она што може да биде погрешно направено, но ги опишуваат најскапите, најдеструктивните и грешките што најчесто ги прават луѓето од бизнисот.

МАРКЕТИНГ ОД ЕДЕН ЧЕКОР

Таканаречениот “маркетинг од еден чекор” е стратегија која најчесто се употребува во малите бизниси. Се применува речиси секаде и со него се трошат големи суми пари. Се состои од настап преку флаери или други маркетинг пропагандни листови на кои едноставно е објавено “името” на бизнисот, можната листа на неколку производи или услуги и на крај завршува со адреса и телефонски број на фирмата. Се очекува како одговор на овој вид маркетинг веднаш да се појави интерес кај купувачите за производите или услугите. Доколку не понудите производ што е екстремно баран или тешко се добива (на пример, оригинал Van Gogh слика за 100 долари) тогаш постојат мали шанси за некакви резултати. Оваа стратегија не влијае врз психолошката секвенца за купување кај потрошувачите. Тоа е исто како да отидете на забава, таму да запознаете некој странец и притоа да го прашате: “ќе се омажиш/ожениш ли за мене”? Што мислите каков ќе биде одговорот?

НЕ ЗНАЕТЕ СО ШТО ДОБИВАТЕ,  А СО ШТО ГУБИТЕ

Доколку сигурно не знаете кои маркетинг стратегии продуцираат резултати, и кои ви трошат многу пари, гарантирано тоа е начин да ги минимизирате  позитивните резултати.  Дури кога инвестирате во нов бизнис и употребувате дузина маркетинг стратегии, а не само традиционалните медиуми, треба да бидете внимателни и да предвидите кои од нив ќе ви донесат најмногу ефекти. Ваквите маркетинг стратегии можат да придонесат да профитирате или да бидете уништени. Повеќе сопственици на приватни бизниси немаат претстава која стратегија предизвикува позитивни, а која негативни ефекти. Доколку немате претстава за ситуацијата, со тоа ги зголемувате трошоците и губите драгоцено време и пари.

НАСОЧЕТЕ ГИ ПОТРОШУВАЧИТЕ 

Да очекувате дека потрошувачите секогаш ќе знаат како да се однесуваат, значи дека ќе имате мали резултати. Никогаш, никогаш, никогаш не претпоставувајте. Доколку направите анализа на повеќето фирми со мал бизнис, ќе забележите дека нивните сопственици речиси секогаш претпоставуваат дека потрошувачите знаат што се очекува од нив ... без да им се каже што треба да направат во иднина. Во крајна линија се работи само за контактирање преку телефонски броеви и адреси. Никогаш со нешто повеќе. Доколку запрашате некој сопственик на мало претпријатие каков успех сака да постигне со тоа што некој ќе го прочита флаерот на кој се забележани овие информации, вообичаениот  одговор гласи: “Да го купи мојот производ. Зарем тоа не е очигледно?” Одговорот од маркетинг стручњаците е “не”. Прво, ретко постојат доволно информации на типично маркетинг место, што ќе му овозможат на потрошувачот да донесе итна одлука за купување. Затоа не може безусловно да се очекува ваква акција од купувачот. Второ, конкуренцијата која, исто така, очекува успех вообичаено го потпомага производот што го пласира на пазарот.  Очигледно е дека купувачот нема да преземе акција по секоја маркетинг порака за одреден производ. Како да се осигурате дека потрошувачите ќе одговорат на вашата маркетинг стратегија и ќе ја преземат очекуваната акција. Сигурно не со тоа што ќе претпоставите дека ќе знаат или ќе сфатат што треба да направат, односно што очекувате од нив.  Кога еднаш, како сопственик на мало претпријатие ќе ја препознаете психолошката секвенца што ќе ги натера луѓето да станат ваши потрошувачи, очекуваната акција ќе стане очигледна.

ПОВИКАЈТЕ ГИ ЗА ПОВЕЌЕ  ИНФОРМАЦИИ

Она што е поврзано со фаталната грешка број три, е маркетинг местото кое едноставно се освојува со објавување на името на компанијата, листата од неколку производи или услуги и завршува со телефонски број и адреса... и потоа  се повикуваат потрошувачите за да им се сервираат повеќе информации. Последна работа што ја сакаат потрошувачите е да се чувствуваат глупаво. Какви информации да побараат? Дали ова значи дека фирмата нема брошура или било каква литература? Дали треба да фаќаат белешки?  Дали се наоѓаат на тест? Втората работа што потрошувачите не сакаат да ја почувствуваат е да бидат притиснати. Без разлика дали е вистина или не, просечниот потрошувач претпоставува дека ќе биде силно притиснат од продавачот на кој ќе му се јави. Повеќето не сакаат да ја почувствуаат оваа болка.  Затоа “повиците за повеќе информации” често се игнорираат. Можеби некоја индивидуа нема да прави проблем за да одговори директно на повикот, но мнозинството не мисли како неа. Доколку се сомневате во овие наши совети, ставете го повикот на почетокот на листата од вашата маркетинг стратегија. Наскоро ќе сфатите дека чекорот “повикајте ги за повеќе информации” е фатална грешка.

СЕ ФОКУСИРАТЕ ПОВЕЌЕ ВРЗ СЕБЕ, ОТКОЛКУ ВРЗ ПОТРОШУВАЧОТ

Нормално е да му кажете на потрошувачот во што се состои вашиот бизнис. Обично сме горди на она што го правиме  и како го правиме и затоа претпоставуваме дека нашите потенцијални потрошувачи ќе бидат импресионирани и мотивирани како нас, што ќе ги натера да дејствуваат. “Во бизнисот сме веЌе 16 години”, “Фирма сме која има освоено голем број награди”, “Ние сме добро опремена фирма со најсовремени технички достигнувања”... Често пати овие фрази го предизвикуваат одговорот: “ Па што?”, “Голема работа?”, “Кому му е гајле?”. Не сфаќајте погрешно дека маркетинг материјалите не треба  да содржат  информации во врска со вашата компанија или за производите и услугите што ги нудите. Меѓутоа, ваквите информации треба да бидат само поддршка, но не и примарна маркетинг порака. Фатално е да помислите дека потрошувачите се заинтересирани за истите работи како и вие. Тие се заинтересирани за нив, меѓутоа на сосема  поинаков начин. Кога еднаш ќе осознаете што е тоа, и ќе адресирате моќна маркетинг порака, потрошувачите ќе се лепат за вас како за магнет.

НЕКОРИСТЕЊЕ  ЕФЕКТИВНИ, БЕСПЛАТНИ ИЛИ ЕВТИНИ МАРКЕТИНГ МЕТОДИ

Доколку запрашате најголем дел од сопствениците на мали и средни претпријатија, што е маркетингот  ќе добиете едноставен одговор: “Рекламирање”. Меѓутоа, такво рекламирање? Адресари, весници, магазини, радио, телевизија, билборди, автобуски карти... Голем број од овие рекламни пораки можат да бидат дел од успешна маркетинг стратегија, но, исто така, постојат и маркетинг методи што му се достапни на малиот бизнис, а се со ниски трошоци или воопшто нема да ве чинат. Едноставно треба да ги откриете и да ги имплементирате и на тој начин ќе ја зголемите ефективноста и профитабилноста.

КОПИРАЊЕ НА ГРЕШКИТЕ ОД КОНКУРЕНЦИЈАТА

Доколку некој друг го прави ова, тогаш тоа мора да е вистинската работа. Сетете се што ви велеле додека сте биле дете: “Дали доколку некој скокне од мост и ти ќе го направиш истото?” Доколку погледнете во рекламите ќе забележите дека имаат сличен формат, слична порака и слична стратегија... и најверојатно тоа дава и слични резултати. Сите се чувствуваме сигурни во толпата. Сигурни сме да го направиме она што го прават другите. Претпоставуваме дека доколку работиме како нив тоа може да има исти резултати. За жал, успехот во бизнисот многу ретко е составен од еден елемент, особено не на маркетинг стратегијата. Успехот на конкуренцијата е резултат на голем број различни маректинг елементи - од нивната локација, од можноста за недостиг на конкуренција и суптилен недостиг од маркетинг агресивност. Меѓутоа, многу ретко ги земаме предвид сите овие стратешки елементи кога ги копираме нашите конкуренти. Кога копирате еден маркетинг елемент од конкуренцијата е исто како да посегнувате во нивната сложувалка, како да извлекувате еден дел и да се обидувате да го вметнете во вашата. Тоа многу ретко успева, бидејќи вашата маркетинг сложувалка е уникатна и секој дел мора совршено да се сложува со другиот. Било кој успех што го искусил вашиот конкурент може да биде помалку очигледен од маркетинг методите што ги применува.  Често пати видливите елементи (како реклама, флаер, брошура...) се еден од најмалку ефективните методи. Нив, сепак, ги копираат лузерите без да развијат сопствен начин на рекламирање.

НАСОЧЕН МАРКЕТИНГ КОН СЕКОЈ ПОТРОШУВАЧ

 Доколку го насочите маркетингот кон “секого”, но кон “никого посебно”, тогаш тоа  ви е сигурна  гаранција дека ќе бидете игнорирани. Голем број мали бизнисмени не успеваат да ги детерминираат своите најдобри потрошувачи, каде можат да ги пронајдат и како со нив да бидат поефективни и поефикасни. Ова е првиот критичен чекор во било која успешна маркетинг стратегија. Неговото прескокнување најчесто завршува со пласирање на идејата преку мас медиумите. Бизнисмените обично се надеваат дека генеричкото испраќање на пораката до поголем број луѓе ќе резултира со многу голема продажба. Меѓутоа, тоа е погрешно. За нивна несреќа, ефективнот маркетинг не работи на тој начин. Фактите говорат дека многу мал процент од оние кои ги примаат пораките преку мас медиумите имаат “потреба” за вашите производи или услуги. Некои сопственици на бизнис не сакаат да веруваат во ова, но за жал, тоа е вистината. “Секому” не му се потребни вашите производи и услуги.  Со тоа што не го таргетирате маркетингот на вашите најдобри и логични проспекти, трошите јмногу пари на луѓето кои не се заинтересирани за вашите производи и услуги. Доколку има само 100 вистински таргети за вашиот производ или услуга од 10.000 можни читатели, зошто да потрошите илјадници денари презентирајќи ја пораката на другите 9.900 незаинтересирани потрошувачи? Сепак, ова е метод кој повеќето сопственици на мали бизниси го користат, бидејќи не им се познати другите  помалку скапи, но ефективни и профитабилни стратегии.

ТРОШЕЊЕ ПАРИ НА ИМИЏ МАРКЕТИНГ

Најголемата маркетинг грешка што се прави од голем број сопственици на мали бизниси е трошењето пари за зголемување на “имиџот”. Некои од овие маркетинг чекори можат да бидат дури и смешни. Ваквиот маркетинг навистина ги тера потрошувачите да преземат “акција”. Резултатот? Потрошени пари,  потрошени идеи и фрустрации. Гигантските корпорации,  се заинтересирани за јакнење на името и за специфичен “имиџ” на нивните марки. За тоа, тие трошат милиони долари на креативен и често пати забавен маркетинг, дизајниран да го инпресионира и таргетира пазарот повеќе со “имиџот”, отколку веднаш да генерира директна продажба. Сигурно и вам имиџот и признавањето на името ви се битни за да успеете како мал претприемач. Но, уште поважни и понеопходни ви се продажбата и порастот на  приходите. Како ќе успеете да го детерминирате ова, доколку вашиот маркетинг примарно е фокусиран на “имиџот”? Како ќе го постигнете тоа ако секој сегмент од вашата стратегија не ги тера потенцијалните потрошувачи веднаш да преземат акција. Трошењето пари и уништувањето на продажбата се најчестите маркетинг грешки што ги прават сопствениците на малите бизниси.

ОТКАЖУВАЊЕ ОД ПОТЕНЦИЈАЛНИТЕ КУПУВАЧИ ПО НЕКОЛКУ НЕУСПЕСИ

Ефикасните маркетинг стручњаци знаат дека упорноста и повторувањето се важни фактори за успехот. Но, голем број сопственици на бизнис трошат голем дел од времето и парите привлекувајќи потрошувачи, а потоа соработката трае кратко или веднаш прекинува. Успешните луѓе во продажбата знаат дека најголемиот број продадени стоки и услуги се случуваат по седмиот или осмиот телефонски повик. Само неколку од нив се направени по првиот повик. Вашите потрошувачи имаат големи причини да не купат од вас веднаш. Тие можеби не се подготвени да се одлучат или, пак, имаат поважни работи на ум.  Можеби не се чувствуваат доволно конфорно со вас, или не ви веруваат за веднаш да купат. Можеби имаат повеќе прашања на кои не сте им одговориле. Им требаат повеќе информации од вас и од вашите конкуренти за да детерминираат која компанија за нив е најдобриот избор. Со тоа што постојано ќе ги следите, ќе имате драматична предност пред конкуренција. Кога потрошувачите се подготвени да купат, што би можело да биде по една недела или по шест месеци, ќе имата подобра шанса да ја зголемите продажбата, доколку веќе сте им се вселиле во умот. Тоа ќе го постигнете ако постојано ги “следите”.

МАРКЕТИНГ СТРАТЕГИЈАТА Е РЕКА КОЈА ТЕЧЕ

Своевремено Henry Ford му рекол на својот соработник од агенцијата за рекламирање: “Време е да ми предложиш нова кампања. Постојната ја користиме премногу долго и сигурен сум дека и е здодевна на публиката да ја гледа”. Но, Ford го чул одговорот: “Но, господине, само што почнавме со оваа кампања. Публиката се уште нема видено се”. Тој веќе ја имал видено кампањата повеќе пати и му здодеало. Сакал да види нешто ново. Никогаш не треба да престанете да употребувате нешто, доколку тоа функционира, само затоа што вам, на вашите вработените или на пријателите им здодеало. Во успешниот и профитабилен  маркетинг треба да ги слушате само потрошувачите, бидејќи тие гласаат со пари, а не со опции.

ЧЕКАЈЌИ ПРЕПОРАКИТЕ МАГИЧНО ДА СЕ ПОЈАВАТ

Усните препораки се многу важен елемент за маркетинг успех во било кој бизнис. Но, повеќето мали бизнисмени  прават големи грешки верувајќи дека препораките ќе дојдат автоматски. Точно е дека доколку обезбедувате добри услуги, по конкурентски цени, ќе имате “некакви” усмени препораки. Но, за да генерирате препораки од високопрофитабилно ниво,ќе ви биде потребна голема иницијатива и напор. Доколку некој од вас не побара препорака за некој добар стоматолог, доктор, ветеринар, осигурителен агент или специјалист за автоаларми, најверојатно нема активно да го “промовирате” бизнисот на вашите пријатели или соседи. Колку често ве прашуваат да препорачате некој добар стоматолог или специјалист за автоаларми?  Шансите  не се многу чести, затоа ако очекувате дека препораките ќе дојдат до вас... случајно, тоа е фатална маркетинг грешка.
Но најфаталната грешка од сите е...

БАЗИРАЊЕ НА МАРКЕТИНГОТ ВРЗ ПРЕТПОСТАВКИ

Да ја базирате маркетинг стратегијата врз “предвидувања” , “претпоставки” или “совети” од пријателите, роднините или бизнис соработниците, е начин што ќе ви гарантира мали или никакви резултати. Користењето на претпоставките како елемент на маркетинг стратегијата, е  како да се обидувате да ја погодите вистинската комбинација за да се отвори сефот. Бидејќи секој последователен чекор е поврзан со успехот од претходниот, едно погрешно погодување може да ви ги уништи шансите за успех. Голем број луѓе, вклучувајќи и  голем број сопственици на мал бизнис, погрешно веруваат дека маркетингот е повеќе “уметност” отколку “наука”. Оние кои сметаат дека “маркетингот е уметност” , веруваат дека сечие мислење што се однесува на овој дел е валидно, како и на секој друг. Во реалноста маркетингот во многу нешта е “наука” со специфични принципи, правила и квантитативни резултати. Заради мислењето дека маркетингот е уметност, многумина веруваат дека тој се базира врз “митови”, а не врз “факти”. Покажете им на десет луѓе две помошни средства и запрашајте ги да го селектираат подоброто. Девет од десетте ќе се одлучат за изборот со кој ќе го изгубат профитот. Зошто? Бидејќи се неспособни да ги препознаат маркетинг принципите и стратегиите што ќе ги направи посилни и попрофитабилни. Затоа тие го базираат своето  “мислење” - наместо врз објективните - врз субјективните критериуми, како: “бистрината”, “итроста”, “поинаквиот и уметнички изглед”  и “забавата”. Овие критериуми навистина немаат ништо со генерирањето максимум одговорност, но се поврзани со трошењето на маркетинг инвестициите и уништувањето на потенцијалите на продажбата. Најдобар начин да развиете успешна и профитабилна маркетинг стратегија е да го употребите знаењето, искуството  и вештините од некој кој веќе го открил маркетинг приодот - “како да се работи” и приодот “како да не се работи”.  Овие работи треба секогаш да бидат базирани врз мерливи резултати од објективни тестови... Никогаш не поаѓајте од субјективни мислења или претпоставки.

Л.В.

ХОЛАНДСКИ ПРОГРАМИ ЗА ПОДРШКА НА МАЛИТЕ И СРЕДНИ БИЗНИСИ

Кралството Холандија веќе подолг период има посебни програми за поддршка на малите и средни бизниси за кои можат да аплицираат и македонските претпријатија. Станува збор за четири програми, а Aмбасадата на Кралството Холандија во Македонија посочува дека им стои на располагање на заинтересираните компании околу презентирањето на овие програми и обезбедувањето дополнителни информации за начинот и условите за аплицирање.

Отворен сервисно-продажен центар на IVECO
ИТАЛИЈАНСКИТЕ КАМИОНИ КАКО ДОМА И ВО МАКЕДОНИЈА

Новиот сервисно-продажен центар на IVECO што деновиве го отвори во Скопје компанијата КАРГОМАКС, кој воедно е и најголемиот ваков центар за камиони во Македонија, е со површина од 2.100 м2 покриен простор, изграден е според најновата технологија, со најсовремени материјали со европски квалитет и во целосна согласност со стандардите на IVECO.

И по 20 години
СЛОВЕНИЈА ДОМИНИРА НА ЈУГОСЛОВЕНСКИОТ ПАЗАР

Словенија и после 20 године по распаѓањето на СФРЈ ја задржа доминантната позиција на поранешниот југословенски пазар, на кој денес остварува суфицит од 1,3 милијарди евра. Тоа и е повеќе од доволно да го покрие дефицитот од 1,1 милијарда евра, што го има во размената со земјите од Европската унија

НОВАК ЃОКОВИЌ И ДОНЕСЕ НА СРБИЈА ДВЕ
МИЛИЈАРДИ ЕВРА

Српската Електропривреда постигна спогодба со кинеските компании China Environmental Energy и Shenzhen Energy Group за вложување на повеќе од две милијарди евра. Најголема заслуга за доаѓањето на Кинезите има тенисерот Новак Ѓоковиќ, кому кинескиот мултимилијардер, сопственик и на брендот Sergio Tacchini, му е еден од најголемите спонзори

ЗЛАТОТО НОВ БАЛОН ОД САПУНИЦА?

Експертите предупредуваат дека пазарот на злато е во рацете на шпекуланти и дека евентуално наглото паѓање на цената би можело да направи сегашниот инвестициски бум да се претвори во најголемиот балон од сапуница, чие пукање ќе им донесе на инвеститорите огромни загуби

FAO прогнозира
ПОВЕЌЕ ЖИТО – ЦЕНИТЕ ВИСОКИ

Светското производство на жито, заради зголемената сеидба и подобрите приноси, се очекува годинава да достигне рекордно
ниво, но цените ќе останат високи поради малите залихи, објави неодамна Агенцијата за храна на Обединетите нации. Во првата годинашна прогноза FAO, исто така, предвидува дека годинава во светот ќе се произведат 2,315 милијарди тони житарици, што е за 3,5 проценти повеќе од лани, кога производството се намали за еден отсто

Најголемите банки во светот
КАПИТАЛОТ СЕ СЕЛИ НА ИСТОК

Светскиот банкарски систем својата моќ се повеќе ја пренесува од запад кон исток. Ова го потврди и годинашново издание на Блумберговата ранг-листа на најголемите банки во светот. Годинава финансиска ѕвезда е Сингапур, со три банки маѓу TOP 10. Голем скок забележа и Канада, има две банки меѓу првите десет. Очекувано, американските банки доживеаа вистински деловен дебакал и само една од нив влезе во престижниот клуб на десетте најголоеми. (повеќе)

ПОЛОВИНА ЕВРОПА ВО online ШОПИНГ

ВИНОТО ГО ОТВОРА
СРЦЕТО, НО И ЏЕБОТ

Една од работите за која луѓето со длабоки џебови се подготвени да потрошат вистинско богатство е виното. Кога музичкиот генијалец Моцарт, како голем љубител на музиката, жените и виното, го прашале што би избрал кога би морало да бира меѓу жена и вино, тој малку се замислил, па одговорил – зависи од годините! Но, знаете ли дека најскапото шише вино чини речиси 300.000 долари? (повеќе)

Исповед на американскиот долар
ТРАГИ ОД КОКАИН, ФАЛСИФИКАТИ, КРАЖБИ

Американските долари, кои и покрај сите турбуленции со кои се соочуваат последниве години, се уште ги сметаат за валута на светот, или Бенџамините, како што во жаргон ги викаат Американците, имаат и своја не толку весела приказна. Еве неколку неверојатни факти за американските „зеленбачи“...

КОЈ Е ГАЗДА НА АМЕРИКАНСКИОТ ДОЛГ ?

Без разлика што буџетот на САД за 2011 година треба да претставува пат кон одржливост на системот и платниот биланс, во државата со најголема економија во светот и понатаму ќе се генерира дефицит, а националниот долг ќе расте од година во година. Во моментов 14 трилијони долари долг се во рацете на приватните банки на САД, а дури 4,4 трилиони долари од надворешниот долг се во сопственост на странските влади кои купиле трезорски хартии од вредност од САД. (повеќе)