КРИСТАЛ 1923 ад- Велес

Прехранбената индустрија КРИСТАЛ 1923 ад-Велес веќе 100 години е синоним за квалитет. Нема домаќинство во Македонија во кое нашите производи немаат свое место. Маслото за јадење и маргаринот КРИСТАЛ се нашиот најпрепознатлив бренд, но подеднакво сме горди и на останатите производи: таан алвата, локумот, желе бонбоните, зачините, слаткото од смокви, производите од соја…

Развојниот пат на Прехрамбената индустрија КРИСТАЛ 1923 ад-Велес започнува во 1923 година. Како фабрика за масло работи до 1999 година, кога е трансформирана во прехрамбена индустрија поради проширувањето на асортиманот на прехрамбени производи.

Денеска КРИСТАЛ 1923 е модерен прехранбен капацитет, во кој целокупниот производствен процес се одвива во строго контролирани услови, што претставува најдобра гаранција за безбедноста и квалитетот на секој производ кој излегува од нашата фабрика. За нас е особено значајно што КРИСТАЛ 1923 е единствениот капацитет во Македонија кој има целосно заокружен процес на производство на сончогледово масло, од семе до финален производ.

Сакајќи да го задржиме високото место на пазарот и довербата на потрошувачите, која се пренесува од генерација на генерација, КРИСТАЛ 1923 продолжува да се развива и да инвестира во производството на здрава и квалитетна храна.