УНИФРИГО

КОМПАНИЈАТА УНИФРИГО се занимава со производство на изолациони панели, комори, индустриски фрижидери и системи за ладење чија што примена е првенствено во прехранбената индустрија. Фирмата како дел од групацијата FRIGOTEKNIKA е основана уште минатиот век, поточно во 1969 година.

Од самиот почеток наш приоритет ни беше постојано да го прошируваме асортиманот на производите, да ги зголемуваме и осовременуваме нашите производни простории, како и да обезбедиме перманентно зголемување на ангажираната работната сила. Сега по четири децении може да кажеме дека сме на вистинскиот пат во остварувањето на нашите приоритети. Почнавме да работиме во скромни 45 метри квадратни, кои во 1980 година ги зголемивме на 180 м2, а во 1998 година компанијата почна да работи во современи простории од 5.000 м2.

Поради нашата целосна посветеност, напорна работа и инвестиции во нова технологија и машини, денес УНИФРИГО е присутен на домашниот и на европскиот пазар.