ЈАДРО ИНЖЕНЕРИНГ

Печатениот бетон е модифицирана мешавина која се користи како систем за изработка на завршен бетонски под. Системот го сочинува свеж бетон од маркат МБ 30 Мпа со дебелина од 6, 8 или 10 сантиметри, армиран во долна зона со мрежа и додавање на влакна кои го сопираат пукањето на бетонската површина. Тој се користи за уредување на внатрешноста на објекти или за надворешни уредувања на партери. Можат да бидат изработени и/или имитирани различни површини: камен, цигла, кожа, калдрма, дрво и дрвени штици, но со трајност на бетон кој се оформува преку употреба на специјални печати со чија примена се постигнува релјефен изглед. Печатениот бетон не избледува и дава заврпна, цврста површина која е отпорна на вода и мраз. Тој е лесен за чистење и одржување, а под него може да се инсталира и приклучи подно греење.

Микроцементна преслека или микро-топинг е иновативен систем дизајниран за преслекување на бетонски подови, подови од керамички плочки како и реставрација на истите.

Системот е произведен со технологија која создава супериорна атхезија со високо ниво на абразија и јакости на свиткување, својства кои се недостижни за другите цементно базирани премази. Производот е дизајниран за примена во дебелина од 0.5мм до 3мм и може да се нанаесе врз бетон, дрво, челик, плочки, гранит и мермер. Тој е UV стабилен и може да се користи за површини со висока фреквенција, како за внатрешни така и за надворешни површини.

Зрнестиот бетон е систем кој ја елиминира потребата од било какви дополнителни прекривки на бетонските површини. Системот се изведува со лиење, постигнувајки униформен изглед, а во својата основа употребува бетонска подлога и гранулирани мешавини со широк спектар на можности за варијација во структура и боја.

Постапката го трансофмира обичниот бетон во декоративен бетон со изразена структура. По третманот бетонот ја задржува својата проектирана јакост. Површината е не-лизгачка.